ვიქტორ დოლიძის შეხვედრები ბულგარეთის პარლამენტის თავდაცვისა და ევროპულ საქმეთა კომიტეტებში

შავი ზღვის რეგიონში სტაბილურობისა და უსაფრთხოების უზრუნველსაყოფად საქართველოს როლი და ნოემბერში დაგეგმილი აღმოსავლეთ პარტნიორობის სამიტისთვის მზადების საკითხები განიხილეს ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა ვიქტორ დოლიძემ 12 სექტემბერს, ბულგარეთის პარლამენტში გამართული შეხვედრების დროს. სახელმწიფო მინისტრს ქ. სოფიაში სამუშაო ვიზიტის ფარგლებში თავდაცვის კომიტეტის თავმჯდომარემ კონსტანტინე პოპოვმა და ევროპული ფონდის ევროპულ საქმეთა და კონტროლის კომიტეტის თავმჯდომარემ კრისტიან ვიგენენმა უმასპინძლეს.

ვიქტორ დოლიძემ მადლობა გადაუხადა ბულგარეთს საქართველოს ევროპული და ევროატლანტიკური ინტეგრაციის ურყევი მხარდაჭერისთვის. სახელმწიფო მინისტრმა აღნიშნა, რომ საქართველოს განახორციელა აუცილებელი და რთული რეფორმები და მომავალშიც არ დაიშურებს ძალისხმევას ნატოსა და ევროკავშირში ინტეგრაციის პროცესის წარმატებით დასასრულებლად.

შეხვედრებზე ბულგარეთის მხარემ მოთქვა მზაობა ევროკავშირსა და ნატოში ინტეგრაციის კუთხით საკუთარი გამოცდილების გაზიარების თაობაზე. თავდაცვის კომიტეტის თავმჯდომარემ კონსტანტინე პოპოვმა აღნიშნა შავი ზღვის რეგიონში უსაფრთხოების უზრუნველყოფის პროცესში საქართველოსთან აქტიური თანამშრომლობის მნიშვნელობა. აგრეთვე, პოზიტიურად შეაფასა ქვეყნის მიერ გადადგმული ნაბიჯები ნატო-სთან კიდევ უფრო დაახლოების მიზნით.

ევროპის ფონდის ევროპულ საქმეთა კომიტეტის თავმჯდომარემ კრისტიან ვიგენენმა აღნიშნა, რომ მომავალ წელს ევროკავშირის საბჭოს თავმჯდომარეობა ბულგარეთის წინაშე არსებული ერთ-ერთი მნიშვნელოვანი გამოწვევაა. და აღნიშნა, რომ პრეზიდენტობის დროს პრიორიტეტებს შორის იქნება შავი ზღვის რეგიონისა და სამხრეთ-აღმოსავლეთ ევროპის ქვეყნებთან თანამშრომლობის გაღრმავება. ამასთან, კრისტიან ვიგენენმა დასძინა, რომ ბულგარეთი იყო და მომავალშიც იქნება საქართველოს ევროპული და ევროატლანტიკური მისწრაფებების ერთ-ერთი ყველაზე აქტიური მხარდამჭერი.

სხვა ამბები

  • ვიქტორ დოლიძე სერბეთში შეხვედრებს მართავს 13 ნოემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ქ. ბელგრადში, სამუშაო ვიზიტის ფარგლებში შეხვედრები გამართა სერბეთის ევროპასთან ინტეგრაციის მინისტრმა იადრანკა იოკსიმოვიჩსა და ევროკავშირში სერბეთის გაწევრიანებასთან დაკავშირებით მთავარ მომლაპარაკებელს ტანია მისჩევიჩს შეხვდა.
  • ვიქტორ დოლიძის სამუშაო ვიზიტი გერმანიაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით გერმანიის ფედერაციულ რესპუბლიკაში, ქ.ბერლინში გაემგზავრა, სადაც 9-11 ნოემბერს შეხვედრები გამართა.
  • ევროკომისიის ანგარიშის თანახმად ევროკავშირის პრიორიტეტები თანხვედრაშია საქართველოს მთავრობის რეფორმების გეგმასთან 2017 წლის 10 ნოემბერს ევროკომისიამ საქართველოს მიერ ასოცირების შეთანხმების შესრულების თაობაზე ანგარიში გამოაქვეყნა, რომელიც მოიცავს პერიოდს 2016 წლის დეკემბრიდან 2017 წლის ბოლომდე. დოკუმენტში შეფასებულია საქართველოს მიერ ასოცირების შესახებ შეთანხმების ფარგლებში რეფორმების განხორციელების კუთხით მიღწეული პროგრესი. როგორც ანგარიშშია ხაზგასმული 2017 წელს საქართველოსა და ევროკავშირს შორის ურთიერთობები კიდევ უფრო ინტენსიური გახდა.